「賺歡喜ㄟ庄腳人」－秀水                            2006.06.05~06.05                                            

彰化秀水，一咧聽講「社區總體營造」做了很成功ㄟ所在，來到這，發覺尹講ㄟ沒嘸對，走過一庄閣一庄，攏ㄟ看到社區入口意象ㄟ標誌，有ㄟ做了很美很有創意，麻有ㄟ只是一塊牌ㄚ結底咧樹ㄚ頂。

庄腳人做事完閒閒無底去，暗頭ㄚ吃飯飽，攏ㄟ坐底咧門口庭消涼、開講，負責跟阮導覽ㄟ梨香姊，她是莊雅社區ㄟ義工媽媽，她和阮講，這咧竹管做ㄟ涼亭就是尹為著要乎社區ㄟ人，散步停腳兼開講才做ㄟ，底社區內攏總有三ㄟ，底這條水汌邊有二ㄟ，尹攏講這二ㄟ涼亭，是台北－高雄ㄟ等車站，阮坐底裡底，走過ㄟ伯ㄚ閣問阮要打票到叨位？

「社區總體營造」發起已經有十多年ㄟ時間囉，講起來只不過是要找回較早人跟人之間，那款打不散ㄟ好感情，安怎才矮凍實現？尹講頭一步就是要把人集合起來，共同為一咧目標做代誌，所以就有環境緣美化、民俗技藝練陣頭、老街再造．．．就看恁這咧所在有保留落來什麼米件，或是將要消失去ㄟ文化。

底秀水這兩天，阮找到尹所講ㄟ布袋金光戲、金光獅陣和南少林武術，看到五、六十年代，風動武林驚動萬教ㄟ雲州大儒俠史豔文，聽到因為哈麥二齒造成ㄟ怪象，那就是當時ㄟ家庭主婦去買菜，開口閉口攏是哈．．哈麥蔥ㄚ嚕兩枝，哈．．哈麥頭家多少錢？阮聽加是笑到肚子疼，不過南少林武術就乎阮感覺很好奇，尹和廣東黃飛鴻甘有同師父；和台灣西螺七崁甘是弄同款ㄟ拳頭？答案是哈．．．萬法歸一統，巧妙各不同。

看秀水、聽秀水，來到秀水麻就愛吃飯，尹這吃ㄟ米，是長型ㄟ秈稻米，農會股長講這種米有改良過，是泰國米ㄟ變種，比泰國米較黏閣不澀，可以講比蓬萊米較好吃，這是尹講ㄟ，阮還沒吃過？不過牛奶阮是喝到驚著，秀水出產牛奶，好喝是人人ㄟ評語，香醇好入嘴，嗯．．是金底，鮮奶大餐甘吃過？嗯．．．胃加全一咧，等拍片時好好加品嚐一下呢。喔，稍等一咧，麥未記，還閣有一項「有機臭豆腐」，不但要吃，還要和賣臭豆腐ㄟ頭家，出來做生意，看一咧秀水ㄟ風景。

「秀水」乎阮感覺是一咧普通ㄟ庄腳所在，有ㄟ是閒閒坐底咧涼亭吹風開講ㄟ趣味，看到ㄟ是庄腳人純樸待人ㄟ熱情，聽到ㄟ是庄腳人做事為吃飯，賺少不要緊，矮凍賺著歡喜才是尚大ㄟ目的。

 

　　　　　　　　　　　　　　　　　　　　　　　　郭宥榆2006.06.09